Fagurfræðileg hönnun sem sækir innblástur til hafsins
Framhluti BYD Seal fylgir X-hönnunar nálguninni með áberandi og kraftmikilli hliðarlínu sem dregur fram samspil sportlegrar og glæsilegrar ásýndar.
Framhluti BYD Seal fylgir X-hönnunar nálguninni með áberandi og kraftmikilli hliðarlínu sem dregur fram samspil sportlegrar og glæsilegrar ásýndar.
BYD Seal er hreinræktað fagurfræðilegt meistaraverk sem byggir á hönnun sem sækir innblástur til hafsins. Framendinn er x-laga sem dregur fram sportlegt og glæsilegt yfirbragð. Hann er stoltur handhafi hinna eftirsóttu iF hönnunarverðlauna sem eru til marks um velheppnaða hönnun og nýstárleika bílsins.
Framljósin byggja á u-laga ljósaklösum sem stuðla að samræmdum birtuáhrifum. Vegurinn sést betur en nokkru sinn fyrr og ljósin stuðla að öruggari og ánægjulegri akstursupplifun. Afturljósin eru uppbyggð af ljósapunktum sem ná yfir allan afturhluta bílsins.
Fyrir miðju mælaborðs er 15,6 tommu hreyfanlegur margmiðlunarsnertiskjár sem stuðlar að aukinni akstursánægju og einfaldleika í notkun.
Njótið fegurðar umhverfisins með stóru sóllúgunni. Skynjið víðáttur himinsins og hleypið inn náttúrulegri birtu sem lýsir upp innanrými bílsins.
Hágæða hljómkerfi sem breytir bílnum í hljómleikahöll á hjólum. HIFI Dynaudio Premium Sound hljómkerfið státar af 12 hátölurum af bestu gerð sem stuðla að óviðjafnanlegri hljómupplifun.
Sérhönnuð sportsætin eru sköpuð út frá lögmálum vinnuvistfræðinnar til þess að hámarka þægindi meðan á akstri stendur. Framsætin eru með hitastillingum og rafstýrðum stöðustillingum sem gera þér kleift að finna kjörstöðu undir stýri sem stuðlar að ánægjulegri akstri.
Farangursrýmið í BYD SEAL er 400 lítrar að rúmmáli en auk þess er að finna 53 lítra viðbótarhirslu með loki undir vélarhlífinni. Í þessu felst snjöll og hagnýt geymslulausn á ferðalögum.
Hraðhleðsla er ekkert vandamál. Hægt er að hlaða BYD SEAL á aðeins 26 mínútum með 150 kW DC hraðhleðslubúnaði (úr 30% hleðslustöðu í 80%). 11 kW AC-hleðslubúnaður gerir heimahleðslu þægilegri og einfaldari.
Búðu þig undir spennandi ökuferð á BYD SEAL. Hann er með einkar afkastamikinn 390 kW rafmótor og með fjórhjóladrifinu er auðvelt að hraða honum úr 0-100 km/klst á einungis 3,8 sekúndum. Bíll sem býður upp á adrenalínflæði í akstri og upplifun sem gleymist ekki í bráð.
BYD SEAL er fyrsta gerðin með CTB-tækninni sem BYD þróaði. Með þessari nýstárlegu tækni er Blade rafhlaðan felld óaðfinnanlega inn í burðargrind bílsins og til verður sterk „samlokugrind“ sem eykur snúningsstífleika bílsins allt upp í 40.500 Nm/° sem er sambærilegt og í dýrustu gerðum lúxusbíla. Með CTB tækninni er Blade rafhlaðan því meira en orkugjafi. Hún er hluti af burðarvirki bílsins og stenst áraun umtalsverðra krafta.
BYD SEAL gengur skrefinu lengra með nýjustu gerð togaðlögunarstýringar. iTAC kerfið felur í sér lausn við aflminnkun við upptöku sem er stökk fram á við miðað við hefðbundnar aðferðir. Kerfið deilir snúningsátaki með útreiknuðum hætti til hjólanna og nýtir til þess togskiptingu, viðeigandi togminnkun og neikvætt snúningsátak. Þetta háþróaða kerfi lágmarkar á skilvirkan hátt eða kemur í veg fyrir hliðarskrið og opnar um leið fyrir allt það afl sem bíllinn býr yfir. iTAC kerfið stuðlar ekki einungis að auknu öryggi heldur einnig að auknum þægindum í meðhöndlun bílsins og tryggir átakalausa og örugga akstursupplifun.
BYD SEAL hvílir á nýjustu gerð undirvagns BYD, e-Platform 3.0, sem er sérhannaður fyrir hreina rafbíla. Í e-Platform 3.0 eru kostir snjalltækni, skilvirkni, öryggis og fagurfræði nýttir til fulls og undirvagninn stuðlar að auknu rekstraröryggi og miklu akstursdrægi við lágt lofthitastig. Auk þess stuðlar hann að ríkari akstursupplifun með snjalltækni sem og aukinni skilvirkni og auknu öryggi þessa snjallvædda rafbíls.
Í yfir 28 ár hefur BYD verið í fararbroddi í framleiðslu á rafhlöðum á heimsvísu. Nýjasta tækninýjungin okkar er Blade rafhlaðan. Hún hefur staðist ströngustu prófanir við aðstæður eins og þær gerast mest krefjandi og niðurstöðurnar hafa leitt í ljós að hún er ein öruggasta rafhlaða sem í boði er.
Hráefnið í rafhlöðunni, litíum járnfosfat, hefur fjölda gagnlegra eiginleika eins og hæga varmamyndun, lága varmalosun og enga súrefnislosun. Hið einstaka, flata rétthyrningaform bætir einnig kælivirkni og forhitunarafköst rafhlöðunnar. Blade rafhlaðan hefur staðist naglaprófið á öruggan hátt án þess að gefa frá sér eld eða reyk.
Naglaprófið er talin ein strangasta aðferðin til að prófa ofhitun rafgeyma. Tilgangurinn er að líkja eftir innra skammhlaupi í rafhlöðu. Skammhlaup verður venjulega af völdum beittra málmhluta sem í alvarlegum umferðarslysum geta náð inn rafhlöðuna. Blade rafhlaðan stóðst naglaprófið án þess að gefa frá sér reyk eða eld. Yfirborðshiti rafhlöðunnar náði einungis frá 30 til 60° á Celsius.
Sellunum er raðið upp í fylkingar innan hvers rafgeymapakka. Hver sella gegnir hlutverki burðargeisla og leggur þannig sitt af mörkum til að rafhlaðan standist átökin. Rafgeymapakkinn er gerður úr áli og með form eins og vaxkaka hunangsflugna. Hástyrktarþil á efri og neðri hlið rafgeymapakkans eykur til muna lóðréttan stífleika hans. Blade rafhlaðan sækir styrk sinn í þessa byltingarkenndu hönnun.
Í samanburði við hefðbundna rafgeymapakka er plássnýting Blade rafhlöðunnar 50% meiri. Þetta eykur orkuþéttleika og skilar sér í meiri drægni.
Líftími Blade rafhlöðunnar er með yfir 5.000 hleðslu- og afhleðslulotum.
BYD hefur einstaka samþættingargetu innan aðfangakerfisins. BYD samþættir átta lykil íhluti, þ.e. VCU, BMS, MCU, PDU, DC-DC stýringu, innbyggða hleðslueiningu, rafmótor og skiptingu, í einni einingu. Þetta er fyrsta fjöldaframleidda rafaflrás í heimi með átta kerfum í einni einingu sem dregur verulega úr rýmisþörf og eykur orkuskilvirkni.
Háþróað og orkusparandi varmadælukerfi er staðalbúnaður. Varmadælukerfið starfar á áreiðanlegan hátt á breiðu hitastigi. Það er hannað til að nýta upp að miklu marki afgangshita úr umhverfinu, frá aflrásinni, farþegarýminu og jafnvel frá rafhlöðunni. Það eykur varmaskilvirknina og dregur úr orkutapi jafnt við hitun og kælingu.
Viltu fá frekari upplýsingar um BYD Seal? Fylltu út formið hér að neðan og einn af sölumönnum okkar hefur samband við þig.